Келе салысымен сабақ сұрады, мен сабаққа дайындықсыз келген едім, нашар баға алып қалдым.(Негізі, барлық сабақты беске оқитынмын). Сол күннен бастап сол сабақты жақсы оқуға өзіме уәде бердім…
Біраз уақыттар өтті, ағайымыз жас маман болғанымен өте мықты мұғалім екен, сабаққа белсенді қатысып мұғаліміммен жақсы қарым қатынаста болып жүрдік, ағайға көп сұрақтар қойып басын қатырып жіберетін кездерім болатын…
Күздің суық күндері болатын, мен әдеттегідей сабаққа келе жатқанмын ағайды көріп амандасып тұрғанымда мұғалімім маған ерекше жылы шыраймен қарады. Оның үздік оқушыларының бірі болғанымнан шығар дедім де сыныпқа қарай тарта бердім. Сол күні ағайыммен тағы жолығып қалдық, Ол маған тағы да ерекше көзқараспен шарпып өтті, мен ештеңе түсінбей тұрғанымда жүрегім қатты соғып қоя берсе бола ма. Мұндай сезімде бұрын болып көрмеген мен ұят аралас қуанышты сезініп,маған бір қанат біткендей күй кештім. Кейін ағайымды көрмесем тұра алмайтындай болдым. Сөйтіп жүріп ағайыма ғашық болып қалдым.
Шынымды айтсам, оның маған деген көңілін білмеймін, бірақ оның тарапынан бір ерекше сезім байқалатын. Ол да менің сезімімді сезгендей. Екеуміз кезіге қалсақ жанарымыз түйісіп қалатын. Ол- мұғалім, мен – оқушы, көзбен сырласудың өзін қанағат тұтатынмын. Сөйтіп көп қызық дәурен кешіп жүргенде, 11сыныпқа да өттім. Ол кездері мектеппен қоштасуымды ойласам іштей қатты қынжылатынмын. Мектеппен қоштасу сүйіктіңмен қоштасу екенін ойласам еріксіз көзге ащы жас келетін.Біраз уақыт өтті, мектепті бітіруге де аз қалды, талай ұйқысыз түндерімде сол бір маржан жанарларды көре алмайтынымды ойлап, жастығымды су қылатынмын. Қаламасам да оқуды бітірдік, ішімдегі толқынды босатуға қанша оқталғаныммен қыздық арым жібермей ғашығыма еш сөз айта алмай кете бардым…. Қазір университетте екінші курста оқимын. Көп нарсе өзгерді, бірақ мен оны әлі бала күнімдегідей сүйемін…
Ұлпан
www.zharar.com
