Күнделікті:
- Әр күн сайын ашқарынға (тамақ ішуден жарты сағат бұрын) 1 ас қасық зығыр дәнін жеңіз. Зығырды асықпай шайнап алған соң, артынша бір стақан жылы су ішіңіз. Бұл іштей тазалау әрі нәрлендіру әдісі тырнақты қатайтып, шашты өсіріп, теріге оң әсер етеді. Қаперіңізде болсын, ағзаңызда яғни, бүйрегіңізде тас барын білсеңіз, зығыр дәнін пайдалануға мүлде болмайды.
- Күніне ішетін су мөлшері 6 стақаннан кем түспесін.
- Қайнатылған қызылшадан салат жеп жүріңіз. Қызылша қанды тазартады, бұл теріге керемет әсер етіп, әдемі реңк береді.
- Күніге кем дегенде 50 грамм әртүрлі жаңғақ жеп жүріңіз. Екі апта ішінде шаш пен тырнақ әжептәуір өсіп, қатаяды.
- Ұйықтар алдында аяқтарыңызды қоректендіргіш жақпасымен майлап, арнайы шұлық киіп алыңыз. Он бес күннен кейін аяғыңыз кісі қызығарлықтай әдеміленіп сала береді.
- Кірпіктеріңізге бидай ұрығының майын (дәріханада сатылады) жағыңыз. Ескі сүрмеңіздің қылқаламын әбден тазалап алып, қолданыңыз. Екі аптадан кейін кірпіктеріңіз кәдімгідей қалыңдап қалады.
Аптасына:
- Шашыңызға аптасына бір рет құрғақ қышыдан маска жасаңыз. Ұнтақты сұйық маймен араластырып, ботқа етіп жасап алыңыз. Сулы шашқа жағып, 20-30 минут ұстаңыз, содан кейін жылы сумен және сусабынмен жуып тастаңыз. Шашыңыз ұзарады әрі қалыңдай түседі.
- Үш сайын шашқа желатин маскасын жағыңыз. Арнайы ыдыс алып, оған 1 ас қасық желатинді, 3 ас қасық ыстық суды құйыңыз да, жақсылап араластырыңыз. Содан булап қойыңыз. Суығаннан кейін 1 ас қасық бальзам қосыңыз. Мұны шашыңыздың ұзындығын бойлай жағып, целлофан киіп, үстінен сүлгімен орап қойыңыз. 30-40 минуттан соң, сусабынсыз жылы сумен жуып тастаңыз. Нәтижесінде шашыңыз жұмсарады және жылтырай түседі.
- Шашыңызды жуған сайын лимон шырынымен шайыңыз. Бұл одан ары жанданған жылтыр рең береді.
- Әр екі күнде сұлы сүтімен жуыныңыз. Сұлы дәнін кофе тартқышты немесе блендер көмегімен ұнтақтаңыз. 1 шәй қасық су құйсаңыз, жақсы ботқаға айналады. Мұның бетіңізге жағыңыз, аздап массаж жасаңыз. Әуелі жылы, сосын суық сумен шайыңыз. Егер теріңіз майлы болса, оған лимон шырынының екі-үш тамшысын қосуға болады.
- Үйдегі бар өнімдерден үнемі нәрлендіретін және ылғалдандыратын маска дайындаңыз. Мысалы, бананды ұсақтап турап, оған кефир қосыңыз. Дайын болғанда бетіңізге жағып, 10-15 минут ұстаңыз. Артынша жылы сумен кетіріп тастаңыз. Бұл теріні жұмсартып, таза табиғи түр бере түседі.
- 5-7 күнде бір рет теңіз тұзы мен қаймақтан немесе кофе қалдығынан жасалған скрабты үй әдісінде істейсіз. Бұл теріні жұмсартады және тегістендіреді. Тіпті целлюлиттің көрінбей қалуына ықпал етеді.
Осы әдістерді үйде отырып-ақ, өзіңіз жасап, жүзеге асыра беруге болады. Әдемілігіңізді ұзағырақ сақтап, ажарыңызды одан ары арайландыру үшін, тек ерінбеу қажет. Ендеше, қажетіңізге жарап, кәдеңізге ассын.
