Қазақстандағы modest fashion индустриясын қандай жаңа тренд күтіп тұр, қарапайымдылық пен бекзадалықты кімдер қолдайды және жаңа шоуда қай дизайнерлер өз топтамаларын ұсынады.
2023 жылдың 17 маусымында Swissotel Alatau кешенінде қазақстандық және шетелдік дизайнерлердің modest fashion сән топтамасының көрсетілімі өтеді. Іс-шара Kiswah Fashion Shows деп аталады. Ал жоба авторлары Қазақстандағы сән әлемінде өз орны қалыптасқан екі адам: олар Kisva Community оқу орталығының және Kisva мұсылман киім брендінің негізін қалаушы Ғайникен Букенова және Қазақстандағы халықаралық сән апталықтарының негізін қалаушы Жанель Бертаева.
Біз Ғайникен және Жанельмен алдағы сән көрсетілімінің негізгі концепциясы, оның негізгі идеясы, шақырылған танымал адамдар, дизайнерлер және қарапайым сән жанкүйерлерінің кең ауқымды киім таңдауы туралы әңгімелескен едік.
— Kiswah Fashion Shows-тің негізгі тұжырымдамасы және шараға негіз болып отырған идея туралы айтып беріңізші?
Жанель: Біздің шоудың басты мақсаты – қарапайым киінуге қызығатын қыз-келіншектер үшін Орталық Азия аймағында халықаралық платформа құру.
Бұл – алыс және жақын шетелдерге Қазақстан дизайнерлері өз коллекцияларын ұсынатын халықаралық алаң, зайырлы көрме шарасы.
Біз халықаралық баспасөзден, жергілікті БАҚ-тан, сатып алушылардан қолдау күтеміз, шоудан кейін, 18 маусымда, Kisva дүкенінде бір күндік see now – buy now шоурумы ашылады, барлығы халықаралық сән апталықтарының ережелеріне сәйкес болады.
Жобаның мақсаты – қарапайым сән мен әсем киімді насихаттау. Менің түсінігімде қарапайым сән – бұл интеллектуалды сән, әйел гардеробының жоғары талғамға сай, стильді, көркем және сергек көрінісі.
Ғайникен: Тек осы онжылдықта ғана масс-маркет жабық киінетін әйелдер мен мұсылман әйелдерге арналған брендтерді шығара бастады. Біз қарапайым киімдердің де стильді және сапалы болуы мүмкін екенін, сонымен қатар қазіргі заманмен үйлесетінін көрсеткіміз келеді. Сондай-ақ, біз үшін шоуға иман жолына енді түскен немесе жақында келген және әлі басына орамал тағуға дайын емес, алайда денесін жасырғысы келетін аудиторияны шақыру маңызды.
Дизайнерлердің сапалы маталардан тіккен және қазіргі сән трендтеріне сай заманауи пішімі бар қарапайым киім топтамаларын ұсынатын платформа дайындағымыз келеді.
Дүние жүзі бойынша дін жолындағы көптеген әйелдер спортта жетістікке жетіп, саясатта маңызды орындарға ие болуда, тіпті өз елін басқаларға үлгі етіп көрсете алады, мысалы, Сингапур президенті – Халима Якоб.
Жанель: Надя Кахф – Нью-Йорк штатының Жоғарғы сотының бірінші судьясы болған орамалды әйел. Бұл спорт пен саясатта әйелдердің де өзіндік орны бар екенін көрсетеді. Бұған қолдау ретінде біз өз тарапымыздан әйелдерге күнделікті өмірге, жұмысқа және басқа да жерлерге киюге арналған киім нұсқаларын көрсететін платформа ұсына аламыз. Адамдар бастапқыда бір-бірімен сырт келбетіне қарап танысады, содан кейін ішкі әлеміне назар аударады.
Біз әйелдерге жоғары талғамға сай, қарапайым және заманауи көрік беретін жинақы киім таңдауын ұсынамыз.
— Қазақстандағы басқа сән шараларымен салыстырғанда сіздердің платформаның ерекшелігі неде?
Ғайникен: Сән көрсетілімдеріне қатысу тәжірибемнен пайымдауымша, Қазақстанда бұрын-соңды мұндай деңгейдегі алаң ұйымдастырылмаған. Бұрын-соңды медиа порталдар арқылы хабарландыру берілмеген, жергілікті газеттер мен журналдарда ақпарат жарияланбаған, байерлер шақырылмаған. Іс-шаралар тек қана тар ауқымда өткен.
Kiswah Fashion Shows өз саласындағы басқа іс-шаралардан байерлер мен шетелдік БАҚ өкілдерінің қатысуымен ұйымдастырылатын халықаралық шара ретінде ерекшеленеді.
Жанель: Біз байерлерді жай ғана келіп көруге емес, ұсынылған брендтердің сатылымын жолға қою үшін шақырамыз. Осы әлемде өзінің стилі арқылы мәртебелі көрінуге ұмтылатын әрбір қыз бен әйел үшін. Біздің қатысушы дизайнерлер сән әлемінде белгілі бір салмағы мен тәжірибесі болса да, одан әрі өсіп-өркендеуге жақсы мүмкіндік алады. Олар үшін біздің еліміз тұтынушылардың жаңа толқыны шығатын қызықты жерге айналуы мүмкін.
Ғайникен: Біздің іс-шара толығымен органикалық болады – онда ішімдік мен темекі брендтері болмайды. Kiswah сән көрсетілімдері ашықтық және сексуалды өмір салты белсенді түрде насихатталып жатқан заманда біздің жас ұрпақ үшін үлгі болады. Жастар үшін бұл еркіндіктің бір түрі, шекарамен күрес және өз-өзін көрсету сияқты көрінеді. Бірақ мұның астарында адамның өз жолын бөгеуі және деградация жатқанын ешкім айтпайды.
– Осы шараны өткізу арқылы әйелдерге қандай негізгі ойды жеткізу жоспарда тұр?
Ғайникен: Қарапайым киім адамның болмысының тұтастығын білдіреді. Бұл ешкімге ештеңе дәлелдегісі келмейтін және жартылай жалаңаш кеуде және басқа да сыртқы атрибуттарымен өзіне назар аудартқысы келмейтін әйел. Ол өз ішінде сүйіспеншіліктен, санадан, дүниетанымнан және құдаймен жеке қарым-қатынасынан тұратын тұтастық бар екенін біледі.
Басқа біреудің назарын аудару қажеттілігінің болмауы, трендтер мен қоғам сізге нұсқайтындай емес, өзіңіз қалағандай киіне алу – бұл еркіндік. Біздің платформа мұндай әйелдерге таңдау құқығын және «Мен мынаны кигім келеді» немесе «Мен өзімді осылай көремін» деп айту құқығын береді.
Жанель: Kiswah сән көрсетілімдері жобасы балама ұсынады – жабық киінетін әйелдер үшін де, киім киюде жинақылық пен әсемдікті ұнататындар үшін де, имани жолда жүрген немесе осы жолға алғашқы қадам жасағандарға, рухани ізденісте жүргендерге арналған заманға лайық киімдер. Біздің аудиториямыз орамал тағатын қыздар, сонымен бірге жабық киінбейтін қыздар. Қазіргі заманғы сән киімдерінен ашықтық пен мөлдірлікті көреміз. Біз оларға «Мен қандай киімді ұнатамын», «Менің мінезіме қайсысы сәйкес келеді?», «Менің өмір ырғағыма не сәйкес келеді?» деген сұрақтарға жауап беруге көмектесуді жоспарлап отырмыз.
– Айтыңызшы, сән апталығына қандай брендтер қатысуды жоспарлап отыр?
Жанель: Платформаның халықаралық болуы оның атында ғана болмауы біз үшін өте маңызды, сондықтан біз шетелдік БАҚ-ты, байерлерді, блогерлерді, басқа елдерден – Корея, Ресей, Өзбекстаннан түрлі тәжірибесі бар дизайнерлерді шақырдық. Олар өз қадірін білетін әйел әрқашан заманауи және қарапайым, бірақ талғампаз және дәулетті көрінуіне жол көрсетеді.
Ғайникен: Біздің сайтта Ресейден келген апалы-сіңлілі Арапхановалардың, Кореяның HAMU брендінің, Өзбекстаннан келген Диора Усманованың Мадина Қасымбаевамен бірігіп жасаған жергілікті INCLOVER және KISVA брендтерінің топтамалары ұсынылады.
Олардың барлығы қарапайым сән әлеміндегі елеулі тұлғалар. Мәселен, ARAPKHANOVI брендінің киімдерін бүкіл ТМД әйелдері жақсы көреді және киеді. Олар өз коллекцияларымен әлемді жиі аралайды, бірақ ешқашан Қазақстанға шоуға келмеген, сондықтан біздің іс-шараға олардың аудиториясының назарын аудару біз үшін өте маңызды. Бренд нарықта ұзақ уақыт бойы белсенді дамып келеді және оның негізін салушылар заманауи мұсылман орамалдарының алғашқы қарлығаштары. Сонымен қатар, олар шарфтармен үйлесетін зайырлы киімдерді сәтті шығаруда және қарапайым киімдерді стильдеумен айналысады. Біз олармен құндылықтар жағынан өте ұқсаспыз.
Оларды шақыру себебіміз – олар біздің жобаның мақсатын толық көрсетеді.
Тағы бір бренд – Кореяда негізі қаланған және өте танымал HAMU. Ол корей киносындағы образдардың стилизациясына көңіл бөледі. Сеул сән институтының профессоры.
Жанель: HAMU-дың қатысуы біз үшін стратегиялық қадам, өйткені Корея қазір мәдениет, шығармашылық және сән тұрғысынан озық ел. Біз үшін бұл маңызды тәжірибе. Олар да біздің алаңымызда өнер көрсетуге және тығыз мәдени байланыс орнатуға мүдделі.
— Бұл жобаны алдағы уақытта дамыту бойынша қандай жоспарларыңыз бар?
Ғайникен: Біз Алматыны қарапайым киімдер мен сән апталықтарының астанасына айналдыру туралы үлкен идеяны жүзеге асырғымыз келеді. Бізге әлемнің түкпір-түкпірінен – ТМД, Азия аймағы, араб және батыс елдерінен дизайнерлер ұмтылғанын қалаймыз.
Біз олармен бірегей таңдау және қарапайым киімдердің алуан түрін ұсыну бойынша жұмыс істеуді жоспарлап отырмыз. Бұл әдеттегідей бұқаралық нарық емес, біз өмір сүріп жатқан уақытқа сәйкес келетін стильді дизайнерлік нұсқалар болады.
Ал Kiswah Fashion Shows жыл сайынғы қазақстандық дәстүрге айналады.
Жанель: Жылына бір рет шоу жасауды жоспарлап отырмыз. 1 маусымын өткізгеннен кейін біз одан әрі стратегиямен жұмыс жасаймыз, қателермен жұмыс істейміз, оларсыз өсу, даму, жоқ. modest clothes-ті аймағымызда насихаттау, қарапайым киімдерді танымал етумен айналысамыз. Болашақта біз шетелдік дизайнерлермен, Италия, Франция, Англия, Корея, Грузиямен, баспасөзбен, блогерлермен, стилистермен бұдан да тығыз жұмыс істейтін боламыз.
— Kiswah Fashion Week сән апталығын «исламға насихат» деп атайтын адамдарға не айта аласыздар?
Жанель: Мен мұндай тақырыптарды елемеймін, өйткені олардың бір мақсаты бар – хайп. Біз ешқандай үгіт-насихатпен айналыспаймыз, соңғы кездегі ақпараттық шу қоғамды дау туғызып, әйелдерді жақсы және жаман деп екіге бөлуде.
Біздің жоба – сәнге концептуалды түрде екінші жағынан қарауға – өзіңді қабылдау және өзгені қабылдауға, достыққа шақыру. Өзін толық қабылдау, әртүрлі болу, толерантты болу және бір-бірімізге құрметпен қарау.
Ғайникен: Үгіт дегеніміз не деген сұраққа жауап – шындығында, мұсылман әйелі – саналылыққа, тәрбиеге, жүрегінде тазалыққа ұмтылған әйел!
Біздің моральдық ұстанымымыз – тыныштық пен ынтымақ!
— Сән көрсетілімін ұйымдастыру идеясы қалай туды және қандай блогерлер мен демеушілер қолдау көрсетеді?
Жанель: Ғайникен былтыр сән көрсетілімін жасауды ұсынды. Биыл жылдың басында топ жинап, дизайнерлерді, баспасөз өкілдерін шақырып, өтетін орын мен демеушілерді іздей бастадық. Мен сән саласына қайта ораламын деп ойламадым, өйткені мен Қазақстанда барлық биіктерге қол жеткіздім деп ойлаймын. Одан әрі дамып, дизайнерлерімізді шетелдерде көрсету керек немесе сол деңгейде қалып, істі жалғастыру керек болды. Осыны түсінген соң мен Visa fashion week деп аталатын жобамды сәтті саттым. Бірақ KISWAH FASHION жобасында бір ғана маңызды мақсат бар – ол өте терең және рухани. Еліміздің сән әлеміне қарапайым стильді енгізу арқылы қоғамға тек пайда әкелеміз деп ойлаймын. Біз жарияланған халықаралық деңгейге жету үшін бар күшімізді саламыз. Мысалы, Лондон Daily Post, US Daily Post, Harper’s Bazaar Serbia, Wall Street Times және Vogue China сияқты халықаралық БАҚ бізді қолдайтын болады. Бұл біз үшін де жақсы бастама және брендтер үшін тамаша имидждік тарих.
Біздің жобамызға қолдау көрсеткен серіктестерімізге CITIX, Almaty Event, Samsung, Dr Christine Schrammek алғысымызды білдіреміз. Сондай-ақ жобамызға қолдау көрсеткен блогерлер мен ықпал етушілерге алғыс айтамыз.
Бұл Әлия Бермұхамбетова, Мадина Құрбаналиева, Дина Саду, Маржан Rebel, Дамеля Sweet, Аёка Пош, Айдана Меденова және т.б. Олар нетворкинг және байланыс алмасу мақсатында шақырылды.
Ғайникен: Tayyab цифрлық ислам қызметі мен «Қазақювелир» компаниясы, Asia Thai spa, Hickmet де бізге қолдау көрсетіп, демеуші болғысы келеді. Бізге сенім артып, жобаны қолдағандарға алғысымызды білдіреміз!
Қарапайым киінуді ұнататын әйелдердің киім таңдауы кең екенін көрсеткіміз келеді. Сондай-ақ туристердің назарын Қазақстанға аударып, мәдени байланыс, шетелдік әріптестермен қарым-қатынас орнатқымыз келеді.
