Шаш бояу – трендке ие құбылыс. Сәнге сәйкес болу сәнсіз етеді, бастысы өзіңізбен үйлесімділікте болыңыз. Дейтұрғанмен, тренд өмірімізге етене енуін жалғастыруда әрі олардың кейбіреулері көрер көзге қызық. Олай болса бүгінгі санымызда дәстүрге сай шаш пен бояу трендтеріне тоқталатын боламыз.
Барлық қара реңктер
Бұл түс балаяжды, шатушты және мелирлеуді құп көретін шаш шеберлері арасында жоғары сұраныста деп айтуға келмейді. Десек те, биыл қара реңкті түстер тенденцияға ие, яғни моноқара тағы да сәнге енуде. Glossy black әсері нәзік жандылар арасында аса танымал әрі оған деген сұраныс та күн санап артуда. Бұл дегеніміз – жылтыр, жалтырағыш теріні еске түсіретін көмір-қара шаш. Нәтижеге қол жеткізу үшін бес түрлі қара реңкті араластыру қажет.
Табиғи аққұба
Мұндай шаш түсіне аққұбаға жақын кез-келген реңк жатады. Бүгінгі таңда табиғи және жасанды стиль бір-бірімен етене байланысты. Кейбіреулер шаштарын кемпірқосақтың барлық түстеріне сай бояп алса, ал басқалары бастапқы әдістерге оралып, шаш тамырларына табиғи рең бергенді жөн санайды.
Табиғи реңкті қызықты әрі жанды ету үшін мелирлеу әдісіне жүгінуге болады. Бұл жағдайда қолайлы шаш бояуы табылатыны анық, себебі қазіргі заманғы өндірушілер табиғи реңктердің көптеген нұсқаларын ұсынуда.
Бронд
Аталмыш бояу техникасы қою қара және ақшыл түсті шаш талдарының аса байқалмайтын ауысуынан тұрады, сондай-ақ, бронд жылдам бояудың классикасына айналып келеді.
Шаш шеберлерінің міндеті – мүмкіндігінше күйдірілген шаштың әсеріне жақындай түсу.
Егер қараторы немесе аққұба шаштың қайсысын таңдарыңызды білмей дал болып, шешім қабылдай алмасаңыз, екі түсті брондау әдісін қолдануға болады. Аталмыш техника шаш түсіне тереңдік сыйлайды әрі сән салонына баруды кейінге қалдырады. Сонымен қатар өсіп келе жатқан шаш түбі білінбейді және үйлесімді көрінеді.
Голографиялық бояу
Бұл – бояу техникасының жаңа деңгейі. Голографиялық бояу – батыл бейнелерге жақын әрі көшеде кездескен адамдардың кездейсоқ көзқарастарына дайын адамдар үшін таптырмас тәсіл. Голографиялық жарқыл алу үшін жоғарғы шаш талшықтары әртүрлі неон реңктеріне боялады. Мысалы: көк, қызғылт, сары, жасыл, күлгін, қызғылт сары және т.б. дегендей.
Бэбилайтс
«Бэбилайтс» атты бояу техникасы өте жұқа шаш талшықтарын жарықтандырудан тұрады. Жалпы алғанда, шаш ашық түске ие болады, сонымен қатар табиғилық сақталады. Ал бояу тимеген қара шаш талшықтарының әсерінен тереңдік пен көлем көрініс береді.
«Бұлыңғыр» бояу
Сәнсүйер қауым табиғи көлемнің көрнекі әсерін және реңктердің органикалық үйлесімділігін беретін бояу әдісін табуға кіріскенде бэбилайтс пен балаяжды біріктірген Тwilightning техникасы немесе «бұлыңғыр» бояу пайда болды. Бұлыңғыр бояу техникасында кең жарықтандырылған шаш талшықтары өте жұқа талшықтармен алмасады. Нәтижесінде біркелкі түс пайда болып, заманауи әрі ұқыпты көрінеді. Бастапқыда бұл әдіс қара шашты адамдарға ғана арналған еді, бірақ уақыт өте келе ол барлық реңктер үшін қолданыла бастады. Мәселен, аққұба, қызыл және т.б.
Сплэшлайтс
Сөзбе-сөз аудармасы «жарық шашырауы» дегенді білдіреді. Бояу техникасы төбеңіздені шаштарды жарықтандыруды қамтиды. Бұл бояу алдымен,ұзын қара шашқа қолданылған, бірақ кейінірек шаш шеберлері әртүрлі реңктерді қолдана бастады.
Осылайша, шеберлер ағартылған аймақты кез-келген ашық түспен бояйды, ал егер шаш бастапқыда ашық түсті болса, оны бірден сәнді қызғылт, көгілдір немесе күлгін түске бояуға болады. Бұл – түбегейлі өзгерістерге бейім емес, бірақ образға жаңа екпін енгізгісі келетіндер үшін тамаша шешім.
Краунлайтс
Crown ағылшын тілінен аударғанда «тәж» дегенді білдіреді. Аталмыш әдіс сплэшлайтстан бастау алған, яғни түрлі-түсті бояулар ұзындық бойымен емес, тамырларға беттейді. Бір түстен екіншісіне ауысу омбре бояуын еске түсіретіндей көрінеді. Десек те, бояу түстері бір-біріне қарама-қайшы болып келеді. Мысалы, көк түс пен күміс түсті блонд.
«Галактикалық» шаштар
Бұл – палитрадағы тың жаңалық. Голографиялық бояу жеткіліксіз болса, Galaxy Hair эффектісі сәнге айналатыны белгілі, яғни шаш тамырынан бастап ұштарына дейін бір реңктен екіншісіне түбегейлі ауысатын айқын түстер.
Мақсаты – галактикалық немесе солтүстік жарықтардың сұлулығын, шынайы яки ойдан шығарылған пейзаждардың қиялын көрсету. Қарама-қарсы, неон, пастель түстері бір палитрада болуы мүмкін, оларға ешқандай шектеу жоқ! Бояу қиын әрі қымбат болғандықтан, өз ісінің мамандарын табу да аса маңызды.
Жасырын бояу
Бұл бояу техникасының құпиясы: ең батыл түсті таңдап, оны жасыра білуде. Сондай-ақ, жасырын бояуды тек ерекше жағдайлар мен көңіл-күйге қарай көрсетуге болады.
Жасырын бояу – тұрақты үрдіс. Демек, шаш шеберлері шаштың төменгі қабатын ғана бояйды, ал жоғарғы жағы сол күйінде қалады.
Қалыпты кезде табиғи түс жарқын шаш талдарын жасырады, бірақ қозғалыс барысында олар түрлі түске ие болып, керемет жарқырай түседі.
Киімдегі, макияждағы және шаштағы түстер арқылы әр адам өзін-өзі сипаттайды. Ішкі жан дүниеңізді көрсетуден еш уақытта қорықпаңыз.
Соңғы маусымдарда тенденциялар бір-біріне қайшы келгені анық, бұл тек таңдау еркіндігі мен даралықты көрсетеді. Сәннің пайдасы да осында!
Ұқсас мақалалар:
Сұлу бұрымға қол жеткізудің 5 құпиясы
